சமகாலத்திற்கும் எதிர்காலத்திற்கும் இடையிலான தொடுப்பு என்றானவன் கவிஞன் தாகமுற்ற எல்லா ஆன்மாக்களும் பருகக்கூடிய தூய வசந்தம் அவன் எழில்மிகு நதியிலிருந்து பாயும் நீரில் வளரும் மரம் போன்றவன் பசித்த இதயங்கள் வேண்டிநிற்கும் பழக்கூடை என்றானவன் அவன் ஒரு இராப்பாடி குமையும் ஆன்மாக்களின் சோர்வைத் தன் இதமான மெட்டுக்களால் தூரம் துரத்துபவன் அவன் அடிவானத்தில் தோன்றும் ஓர் …

காதலை நான் காதல் செய்கிறேன் காதல் என்னைக் காதல் செய்கிறது என் ஆன்மாவுடன் காதல் கொள்கிறது என் மெய் என்னில் காதல் கொள்கிறது என் ஆன்மா காதலிப்பதை நாம் திருப்பங்களால் நிரப்புகிறோம் காதலிக்கப்படுவதையும் திருப்பங்கள் நிரப்புகின்றன – . தமிழில்: ரூபன் சி

உன்னை நினைத்தவாறிருக்கிறேன் என் உடலுக்குள் பூட்டப்படாத கதவுடன் ஒரு அறை அங்கு உன் எல்லாப் பொருட்களும் உன் சொற்ப வாழ்வின் எல்லாத் தடங்களும் பனியின் நிழல்களாகி நிலவொளியில் படர்ந்திருக்கின்றன திறப்பு என்னிடமுள்ளது விநாடிகளின் இடைவெளிகளுக்கொருமுறை உட்செல்கிறேன் எல்லாவற்றையும் தொட்டுப் பார்க்கிறேன் சொற்களற்றுப் பேசுகிறேன் வெறுமையுடன் நிரந்தரச் செவியொன்றுடன் உன் நினைவில் ஏங்குகிறேன் அதிகபட்சம் என்னைப் போலவே …

உனக்குப் பிடித்த அந்த இசையை இன்னும் நான் நிறுத்தவே இல்லை யுகப்பாடலாய் என்னுள் ஒலித்துக் கொண்டிருக்கிறது விசித்திரச் சிறகணிந்து உன் வானில் உலவுகிறது என் பறவை காற்றின் திசைகளில் உனதும் எனதுமான நீயும் நானும் மட்டுமே அறிந்த எம் காலத்தின் சுவடுகள் அடை மழையென்ன நெருக்கும் இருளின் கனதியென்ன அடர் பனியென்ன எதுவுமே பாெருட்டில்லை நினைவுகளின் …

மலைமுகடுகளைக் கழுவி வழியும் மழைநீரை நீண்ட நேரம் பார்த்துக்கொண்டிருக்கிறேன் தாளகதியுடன் இறங்கும் சாரலின் ஓசை நின்றுவிடக்கூடாதென்று மனம் வேண்டுகிறது எங்கோ தூரத்திலிருந்து பறவையின் குரல் செவிகளில் விழுகிறது பகலை நலன் விசாரித்து நகர்கிறது காற்று அவ்வப்போது முகம் காட்டி மறைகிறது மாயவெயில் மஞ்சள் சிவப்பு நீலம் வெள்ளை ஊதா நிறங்களில் விரிந்து சிரிக்கின்றன கோடைப்பூக்கள் நீள்இரவின் …

தெருவோர மரங்களிலும் அதன் கிளைகளிலும் உறைபனியிலும் உதிராத ஊசி இலைகள் சிலவற்றிலும் கட்டடங்கள் சுவர்கள் வெளிகள் தரிப்பிடங்கள் யாவற்றிலும் சில சொற்கள் எம் மவுனங்கள் விவாதங்கள் காத்திருப்பின் தருணங்கள் இப்போதும் அங்கே சிந்திக்கிடக்க‌க் கூடும் நீ அறிந்தவைகளும் அறியாதவைகளும் அறிய முற்படாதவைகளுமான என் இரகசியங்களை அவை தம் நினைவில் வைத்திருக்கக்கூடும்

வா மீண்டும் காதலில் வீழ்வோம் தங்கபஸ்பங்களை முழுவுலகின் மீதும் பரவுவோம் புதிய வசந்தமென்றாவோம் வானத்துவாசம் காவிவரும் தென்றலை உணர்ந்திருப்போம் பூமிக்குப் பச்சை உடுத்துவோம் இள மரமொன்றின் பசும் சாறுபோல் எம்முள் வடியும் கருணை எம்மைக் காத்தருளட்டும் எங்கள் பாறை இதயங்களிலிருந்து இரத்தினக்கற்களைச் செதுக்கியெடுப்போம் காதலின் பாதைக்கு அவை ஒளிபாய்ச்சட்டும் தெளிந்து விரிகிறது காதலின் பார்வை அதனொளியினால் …

பெருங்காதல்! பிரிவின் முடிவிலும் பெருங்காதல் ஒருபோதும் சாவதில்லை பெற்றுக்கொண்ட ஸ்பரிசங்கள் மறக்கப்பட்டபின்னும் பீறிட்டுக்கிளம்புவன ஸ்பரிசங்களின் விதைகள் எண்ணற்றவை உன் ஸ்பரிசங்களின் சுவடுகளில் அவை கனிகளும் இலைகளுமாய் இலையுதிர்கால நிலப்பரப்பைப் போன்று கருஞ்சுவாலை இரவுகளின் மகிமையினால் நிரப்பப்படும் நாட்கள் போன்று… எப்பொழுதுமே காதலரைக் காட்டிலும் காதல் ஆழம்பரந்து நிலைக்கும் பார்வையினால் ஆசீர்வதிக்கப்பட்ட ஒளி என்னுள் காதலாய் பற்றுவதற்கு …

மெதுவாக… கொஞ்சம் மெதுவாக அம்மா! இப்படி அவசரப்பட என்ன தேவை வந்துவிட்டது எதற்காக இந்த அமைதியிழந்த படபடப்பு கொஞ்சம் மெதுவாக அம்மா!! ஒரு கப் தேநீர் வைத்துக் குடியுங்கள் எனக்குப் பக்கத்தில் வாருங்கள் என்னோடு கொஞ்சநேரம் செலவிடுங்கள் காலணிகளை அணிந்து வெளியில் சற்று உலாத்தி வருவோம் பாதைகளில் தென்படும சருகுக் குவியல்களைக் கால்களால் கிளறிவிடலாம் கலகலத்துச் …

மகிழ்கணம் ஒன்றில் தாழ்வாரத்தில் அமர்ந்திருக்கிறோம் நீயும் நானும் வெளித்தெரியும் உருவங்களாக இருவர் ஆனால் ஒற்றை ஆன்மா நீயும் நானும் வழிந்தோடும் வாழ்வுநதியை இங்கு உணர்கிறோம் தோட்டத்தின் அழகுடனும் பறவைகளின் பாடலுடனும் நீயும் நானும் நட்சத்திரங்கள் எம்மைப் பார்த்துக் கொண்டிருக்கின்றன ஒரு மெல்லிய பிறைநிலவு எப்படியிருக்கும் என்பதை அவற்றுக்கு நாம் காண்பிக்கின்றோம் செயலற்ற ஊகங்களை அலட்சியம் செய்தபடி …