நெருக்கத்தின் விலைமதிப்பற்ற ஓவியமொன்றை காலத்தின் சுவர்களில் வரைந்துகொண்டே இருக்கிறது தூரங்களின் தூரிகை வர்ணங்களின் கசிவுகளை ஏந்திக்கொண்ட வாழ்வு ஜீவநதியின் ஊற்றுத்துளிகளை தெளித்துக் கொண்டிருக்கிறது நினைவுத்தாள்களில் முகில்களின் முகடு பிரித்து இரவுகளின் முகத்தில் நிறம்பூசி வான் நிறைக்கிறது அந்த ஓவியம்! 26/09/18

பக்திமிகு பிரசங்கியாக இருந்தேன் நீயென்னைக் கவிஞனாக மாற்றினாய் கிளர்ச்சியின் கிளைகளை என்னுள் படரவிட்டாய் கொண்டாட்ட விருந்துகள் ஒவ்வொன்றிலும் போதை மயக்கத்தை உண்ணத்தந்தாய் நீடித்த பிரார்த்தனைக்கு ஒப்புக்கொடுக்கப்பட்ட கண்ணியமான மனிதனாக இருந்தேன் தெருக்குழந்தைகளின் விளையாட்டுப்பொருளாக என்னை ஆக்கிவிட்டாய் -தமிழில்: ரூபன் சி -29.06.18-

இரவுகள் நேசிப்பிற்குரியன இரவுகள் நிர்வாணமானவை இரவுகள் வெட்கமறியாதவை கருமையழகின் உச்சமாய் காட்சிகள் விரிந்து கிடக்கின்றன நிசப்தங்களின் இழைகள் கொண்டு இரவின் பாடல் இசைக்கப்படுகிறது நிதானத்தின் அடவுகள் கொண்டு இரவின் நடனம் ஆடப்படுகிறது பேரமைதியின் ஒளிச்சிதறல்களை நட்சத்திரங்கள் அனுப்புகின்றன பகல்களின் பரபரப்பில் முடிச்சிறுகிய சொற்களின் புதிர்களை இரவின் விரல்கள் அவிழ்க்கின்றன நித்தியமான இரவுகளின் மடியில் கனவுகளின் சிறகுகள் …

‘96’ – காதலித்துப் பிரிந்தவர்கள் இரண்டு தசாப்தங்களுக்குப் பின் சந்திக்கும் தருணங்களின் மென்னுர்வுகளைச் சித்தரிக்கின்றது. மனம் திறந்து உணர்வுகளையும் நினைவுகளையும் மிக நெருக்கமாகப் பகிர்ந்து கொள்கின்றார்கள். ஆனால் ‘உடல்’ மீது கட்டமைக்கப்பட்ட பிற்போக்கு விம்பத்தை நிறுவுவதிலும் புனிதப்படுத்துவதிலும் இயக்குனர் கொண்டிருக்கும் கவனம் நெருடுகிறது. ‘உடல்’ சார்ந்து ‘கலாச்சாரக் காவல்தனம்’ பல இடங்களில் வலிந்த திணிப்பாகத் தோன்றுகிறது. …

சில முத்தங்கள் வாழ்வு முழுவதும் பின்தொடர்பவை உடல்மீது ஆன்மாவின் தொடுகை எனவாகித் தித்திப்பவை முத்துக்கள் தம்மீது போர்த்தியுள்ள சிப்பியைக் கழற்ற வேண்டுமென்பது கடல்நீரின் வேண்டுகை லில்லிமலர்…! அதற்கும் எழில் உணர்வின் தீவிரக்காதல் தேவையென்றாகுகின்றது! -மூலம்: ரூமி -தமிழில்: ரூபன் சி

தீபமொன்று புதிரான பாடலை இசைக்கத் தொடங்கியிருக்கிறது நட்சத்திரங்களின் கண்கள் பதட்டத்துடன் அசைந்துகொண்டிருக்கின்றன இரவுக்குத் துணையாய் இருளைத் தாலாட்டுகிறது தீபத்தின் தீ நாக்கு இலையற்ற உயிர்க்கிளைகளின் உச்சியில் அமர்ந்து உரசிப் பேசுகிறது நிலவு நினைவுகளின் ஸ்பரிசத்தில் நேசம் சிலிர்க்க அதன் சூட்டில் உறைமனம் கரைய ஒளித்துகள்கள் நிலவேறிக் கொட்டுகின்றன வானக்கருமை வழிய நீர்த்திரை நீலம் பரவ மழை …

******நூல் அறிமுகம்****** கமலின் அரசியல் சார்பு நிலையைப் பட்டவர்த்தனமாக வெளிப்படுத்தும் நான்கு திரைப்படங்களை மையப்படுத்தி யமுனா ராஜேந்திரன் எழுதிய ஆய்வுக்கட்டுரைகளை உள்ளடக்கிய புத்தகம் இது. 110 பக்கங்கள். சில மணி நேரங்களில் வாசித்து முடிக்கக்கூடிய புத்தகம். ஹேராம், தசாவதாரம், உன்னைப்போல் ஒருவன். விஸ்வரூபம் ஆகிய திரைப்படங்கள் கமல்ஹாஸன் எழுதி இயக்கியவை அல்லது கதை, திரைக்கதை உரையாடலில் …

புதியவன் ராசையாவின் ‘ஒற்றைப் பனை மரம்’ திரைப்படம் நேற்று ஒஸ்லோவில் சிறப்புக் காட்சியாக திரையிடப்பட்டது. -‘ஒற்றைப் பனை மரம்’ பின்-முள்ளிவாய்க்கால் துயரத்தினைச் சித்தரிக்கிறது. -முதல் 15 நிமிடங்கள் வரை முள்ளிவாய்க்கால் இறுதிக் கணங்களும், இராணுவத்தின் பிடிக்குள் மக்கள் கையறுநிலையில் செல்வதும், காட்சிப்படுத்தப்பட்டுள்ளது. – இதன் முதன்மைப் பாத்திரம் ‘புனர்வாழ்வு’ பெற்று விடுதலையாகும் விடுதலைப் புலிகள் அமைப்பின் …

சுதந்திரப்பறவை காற்றின் திசையறிந்து விர்ரெனப் பறக்கிறது பூமியின் தற்போதைய முனைவரை அதனால் கீழ்நோக்கி மிதக்கவும் முடிகிறது செம்மஞ்சள் சூரியக் கதிர்களுக்குள் தன் இறக்கைகளை உட்செலுத்துவதும் அதற்குச் சாத்தியமாகிறது வானத்தைப் பிரகடனப்படுத்தவும் அது துணிகிறது. சிறு கூண்டுக்குள் அடைக்கப்பட்ட இன்னொரு பறவையால் எப்பொழுதேனும் ஒருமுறைதான் கூண்டுக் கம்பிகளுக்கு வெளியில் பார்க்க முடிகிறது அதன் இறக்கைகள் வெட்டப்பட்டு கால்கள் …

வாழ்க்கையில் எதற்குமே பொருளில்லை¸ சத்தில்லை¸ சாரமில்லை? முன்னைய பதிவொன்றில் கடந்த வாரம் பார்த்ததாக நான் குறிப்பிட்ட இன்னொரு நாடகம் இளைஞர்களுக்கானது. நோர்வேஜிய மொழியில் இதன் தலைப்பு ‘Ingenting’. இதன் பொருள் ‘எதுவுமேயில்லை’ (பொருளற்ற வெறுமை) . இதன் பேசுபொருளும்¸ வடிவமும் இது எழுப்புகின்ற கேள்விகளும் பல்பரிமாணம் மிக்கவை. மேடை அமைப்பு¸ ஆற்றுகை, வடிவம்¸ பேசுபொருள்¸ நடிப்பு¸ …